Pintrura sus veires

La regenta explica l'activitat.

"Anam pintrar cadun nòstre veire amb nòtsre pichon nom, aital aurem cadun lo nòstre per beure e per lo netejar. Quand partiretz al collègi farà tanben un sovenir".

Mostrar l'exemple, explicar que calrà seguir un modèla e que i aurà una partida liura en mostrar çò qu'es concernit. Far passar lo veire a cadun.

"Ai fach un exemple amb mon pichon nom, aital avètz una idèa del modèle que va caler seguir, e i a de detalhs que seràn liures, que podètz far coma avètz enveja."

--> Modèle de seguir : endrech ont marcar lo pichon nom + bordura amb los ponches + nom de l'escòla en bais (cf fòto modèle).

--> Partida liura : pòdon representar una causa (decidida a l'abans) a l'emplaçament darrièr (cf fòto partida liura).

Mostrar la pintrura, explicar cossí funciona. Far passar los pots.

"Per pintrar los veires, avèm de pintrura especiala. Un còp pintrats, calrà far còire los veires".

Cadun s'entraina a far lo modèle de seguir (pichon nom, bordura e nom de l'escòla). Lor cal far sus un supòrt vertical amb de pincèls e de pintrura. Per aquò, pòdon metre lor fuèlh al tablèu o sus una paret.

Causisson la color que vòlon pel pichon nom e per la bordura (lo meteis) + nom de l'escòla en roge.

"Ara, vos anatz entrainar en primièr sus un fuèlh amb de pintrura normala a escriure vòstre pichon nom, a far la linha de ponches e a escriure lo nom de l'escòla. Per vòstre pichon nom e pels ponches podètz causir la color que volètz dins las qu'avèm en pintrura porcelana. Per lo nom de l'escòla calrà far en roge.

Lo mai complicat va èsser de respectar la talha del modèle, de pas far tròp gròs. Cal anar doçament e demorar concentrats. Per èsser dins las condicions, anatz pintrar a la vertical donc vos podètz metre al tablèu o contra una paret, o levar vòstre fuèlh sul burèu.

Avètz de plaça sul fuèlh, podètz ensajar mantuns còps fins a capitar"

Distribuir a cadun la color que vòl, un pincèu, e un fuèlh.

Los mainatges s'i ensajan, la regenta passa per ajudar los qu'an besonh. S'un a acabat, pòt ajudar los qu'an mai de mal.

Tornam presentar l'activitat.

"Vos brembatz de cò qu'avèm començat coma projècte en arts visualas lo còp passat ?"

--> Un mainatge respond (o la regenta explica) + tornar mostrar l'exemple.

Distribuir lo fuèlh fach lo còp passat amb lo modèle de seguir e presentar la seguida del trabalh.

"Lo còp passat nos som entrainats a far lo modèle que tot lo monde deu seguir. Sabètz que i a tanben una partida liure ont anatz poder dessenhar çò que volètz ? Es çò que nos anam entrainar a far uèi."  (mostrar l'endrech sul veire exemple)

Cadun s'entraina a far sa partida liura. Lor cal far sus un supòrt vertical amb de pincèls e de pintrura. Per aquò, pòdon metre lor fuèlh al tablèu o sus una paret.

"Ara, vos anatz entrainar al versò del fuèlh amb de pintrura normala a far lo motiu qu'avètz causit. Podètz causir la color mas atencion qu'ane amb la rèsta.

Lo mai complicat va èsser de pas far tròp gròs. Cal anar doçament e demorar concentrats. Per èsser dins las condicions, anatz pintrar a la vertical donc vos podètz metre al tablèu o contra una paret, o levar vòstre fuèlh sul burèu.

Avètz de plaça sul fuèlh, podètz ensajar mantuns còps fins a capitar"

Distribuir a cadun la color que vòl, un pincèu, e un fuèlh.

Los mainatges s'i ensajan, la regenta passa per ajudar los qu'an besonh. S'un a acabat, pòt ajudar los qu'an mai de mal.

Tornam presentar l'activitat.

"Vos brembatz de cò qu'avèm començat coma projècte en arts visualas lo còp passat ?"

--> Un mainatge respond (o la regenta explica) + tornar mostrar l'exemple.

Distribuir lo fuèlh fach lo còp passat amb lo modèle de seguir e la partida liura puèi presentar la seguida del trabalh.

"Lo còp passat cadun s'es entrainat a far sa partida liura. Ara, avèm tot ensajat e cadun sap çò que va far. Anatz donc pintrar sus vòstres veires. Anam far etapa per etapa totes en meteis temps, los qu'an acabat podètz ajudar los autres."

Distribuir los veires.

Los mainatges son encara en grop de color, an totes acabat los ponches. Ara, van escriure lor pichon nom.

La regenta fa una autra taula amb la pintrura roja.

"Ara, dins la meteissa color, anatz pintrar vòstre pichon nom. Vos brembatz qu'es complicat al pincèu, prenètz vòstre temps que poiretz pas tornar far ! Un còp qu'avètz acabat podètz anar a la taula, aval e escriure lo nom de l'escòla amb la pintrura roja."

La regenta passa darrièr cadun per verificar e ajuda se besonh. 

La regenta verifica e recupèra lo trabalh.

"Un còp qu'avètz acabat de marcar lo nom de l'escòla, me tornatz vòstre veire e podètz començar de recaptar lo material que servís pas mai."

Cadun recapta e neteja çò que pòt.

Tornam presentar l'activitat.

"Vos brembatz de cò que fase coma projècte en arts visualas lo còp passat ?"

--> Un mainatge respond (o la regenta explica) + tornar mostrar l'exemple.

Distribuir lo fuèlh amb los ensages.

"Lo còp passat cadun a fach çò qu'èra obligat de seguir. Ara, antas far vòstra partida liura en seguir çò qu'avètz ja fach sul fuèlh per vos entrainar. Après, farem còire los veires."

Distribuir los veires.

Un còp que la grilha del forn es plena, la regenta la va metre al forn (150°) amb dos grands que susvelharàn la cuèita (35 minutas).

Cal daissar los veires refregir dins lo forn après la cuèita.

L'endoman, far la segonda fornada.